இந்தியாவில் முன்னாள்
பிரதமர் ஜவஹர்லால் நேருவின் பிறந்த நாளான நவம்பர் 14ம் தேதி குழந்தைகள் தினமாக கொண்டாடப் படுகிறது.
குழந்தைகளை மகிழ்விப்பதற்காக கொண்டாடப்படும் தினம்
குழந்தைகள் தினம்.
ஆனால் உலகம் முழுவதும் நவம்பர் 20-ம் தேதி குழந்தைகள் தினமாகக் கொண்டாடப்படுகிறது.
குழந்தைகளை,
அவர்களுடைய திறமைகளைக் கொண்டாடும்
வகையில் உலக நாடுகள் அனைத்தும் குழந்தைகள் தினம் அனுசரிக்க வேண்டும் என 1954 ஆம் ஆண்டு ஐநா சபை அறிவுறுத்தியது.
முதன்முதலில் துருக்கி
நாட்டில் 1920 ஜூன் முதல் தேதியை
குழந்தைகள் தினமாகக் கொண்டாடத் துவங்கினார்கள்.
1925 இல் ஜெனிவாவில் நடந்த
சர்வதேச மாநாட்டில் நவம்பர் 20 ஆம் தேதியை ‘சர்வதேச குழந்தைகள் தின’மாக அறிவித்தனர்.
இந்தியா, குழந்தைகள் மீது மிக்க அன்பு கொண்டவரும்,
முதல் பிரதமருமான நேருவின்
நினைவாக நவம்பர் 14 ஆம் தேதியை குழந்தைகள்
தினமாகக் கொண்டாடி வரும் வேளையில்,
அண்டை நாடான பாகிஸ்தான்
சர்வதேச குழந்தைகள் தினமான நவம்பர் 20 ஆம் தேதியில்தான் குழந்தைகள் தினத்தை கொண்டாடி வருகிறது.
சீனா, டிராகன் படகு விழா என்ற பெயரில் ஆண்டுதோறும் ஜூன் 1ஆம் தேதியை குழந்தைகள் தினமாக கொண்டாடி வருகிறது.
சிங்கப்பூரில் அக்டோபர் 1இல் குழந்தைகள் தினம் கொண்டாடப்படுகிறது.
பிரிட்டனில் ஆகஸ்டு
30 ஆம் தேதி கொண்டாடப்படும்
குழந்தைகள் தின விழா தொடர்ந்து இருநாட்களுக்கு கோலாகலமாக நடைபெறும். இதில்,
பிரிட்டன் பள்ளிக்குழந்தைகள்
அனைவரும் பங்கெடுத்து கொள்வர்.
மே 5ஆம் தேதியை தங்களது குழந்தைகள் தினமாக ஜப்பான் அனுசரித்து
வருகிறது. அன்றைய தினத்தில் ஜப்பான் தாய்மார்கள் தங்கள் குழந்தைகளுக்காக அரிசியால்
செய்யப்படும் ‘கஷிவாமோச்சி’
மற்றும் ‘சிமாகி’ என்ற விசேஷ உணவுகளை தயாரித்து குழந்தைகளுக்கு அளிப்பர்.
குழந்தைகள் தினத்தைக்
கொண்டாடுவதில் அமெரிக்கா வித்தியாசம் காட்டி வருகிறது. ஆண்டுதோறும் ஜூன் முதல் அல்லது
இரண்டாவது ஞாயிற்றுக்கிழமையை குழந்தைகள் தினமாக அறிவிப்பார்கள். அந்த வாரம் முழுக்க
கொண்டாடும் வகையில் அதை ‘குடும்ப வாரம்’
என அழைக்கிறார்கள்.
ஜூலை முதல் ஞாயிற்றுக்கிழமையை
குழந்தைகள் தினமாகக் கொண்டாடும் ஆஸ்திரேலியா நாடு அக்டோபர் மாதத்தின் கடைசி வாரத்தை
குழந்தைகள் வாரமாகக் கொண்டாடுகிறது.
ஒன்றுபட்ட ஜெர்மனி
உருவாகும் முன்புவரை ஜெர்மனி இரண்டு தினங்களை குழந்தைகள் தினமாகக் கொண்டாடி வந்தது.
கிழக்கு ஜெர்மனியில்
ஜூன் 1ஆம் தேதியும், மேற்கு ஜெர்மனியில் செப்டம்பர் 20 ஆம் தேதியும் குழந்தைகள் தினம் கொண்டாடப்பட்டு
வந்தது. தற்போதைய ஒன்றுபட்ட ஜெர்மனியில் பெரும்பாலான பெற்றோர்கள், குழந்தைகள் தினமாக ஜூன் 1ஆம் தேதியை கடைப்பிடித்து வருகிறார்கள்.
மெக்சிகோவில் எல்
டியா டெல் நினோ என்ற பெயரில் 30, ஏப்ரல் குழந்தைகள்
தினம் கொண்டாடப்படுகிறது. இந்தநாளில் பள்ளிக்குச் செல்லும் குழந்தைகளுக்கு,
அவர்கள் ஆச்சர்யத்தில மூழ்கும்
வண்ணம் பரிசுகள் அளிக்கப்படுகின்றன
குழந்தைகள் தினம் கொண்டாடி இத்தருணத்தில் ,இந்தியாவில் குழந்தைகளின் நிலையைப் பற்றி பார்ப்போம்.
உலகிலேயே,
அதிகளவிலான குழந்தை கொண்ட
நாடுகளில் இந்தியா மிகவும் முக்கியமான ஒன்று. ஆனால் இந்தியாவில் குழந்தைகளின் நிலை
பரிதாபத்திலும், பரிதாபமாக உள்ளது.
கோடிக்கணக்கான குழந்தைகள்
சத்துக் குறைபாட்டால் பாதிக்கப்பட்டுள்ளனர். கணிசமான சகவிகித குழந்தைகள் ”குழந்தை தொழிலாளர்களாக” உள்ளனர்.
அடிப்படை கல்வி இல்லாத
குழந்தைகள் அனேகம் பேர்.முறையான தங்குமிடம் இல்லாமல் அல்லலுறும் குழந்தைகள் ஏராளமான
பேர், சரியான உடை கிடைக்காமலும், மூன்று வேளை உணவுகூடகிடைக்காமலும், நம் நாட்டில் நம்மைச்
சுற்றி வாழ்ந்து கொண்டிருக்கின்றனர்.
இந்தியாவில் 20 விநாடிக்கு ஒரு குழந்தை மரணத்தை தழுவுகிறது.குறிப்பாக
5 வயதுக்கு குறைவான குழந்தைகள்
தான் அதிகளவில் மரணிக்கிறார்கள்.
கிட்டதட்ட 1.7 மில்லியன் குழந்தைகள் ஒவ்வொரு வருடமும் இந்தியாவில்
மரணமடைகிறார்கள்.இது உடனடியாக கவனத்தில் கொள்ளப்பட வேண்டிய ஒரு சோகமான நிகழ்வு.இதில்
ஆச்சரியம் என்னவென்றால் ,இம் மரணங்கள் அனைத்துமே
எளிதாக தவிர்க்கப் பட்டிருக்கலாம் என்பதே.
நார்வேயில்
இப்படி ஒரு சட்டம்
சமீபத்தில் கொல்கத்தாவை
சேர்ந்த முதிய தம்பதியினர் நமது நாட்டின் ஜனாதிபதியை அணுகி தங்கள் பேரக் குழந்தைகளை
நார்வே அரசிடம் இருந்து மீட்டி தரச் சொல்லி ஒரு மனுவை கொடுத்தார்கள் . அந்த மனுவின் விளக்கம்.
இந்த வயதான பெற்றோரின் மகனும் , மருமகளும் நார்வே நாட்டில் பணியாற்றி வருகிறார்கள்
. அவர்களுக்கு 3 வயதில்
ஒரு மகனும் , 6 மாதத்தில் ஒரு மகளும் உள்ளனர் . இந்த மூன்று வயது மகன் அங்கு உள்ள ஒரு பள்ளியில்
சேர்க்கப்பட்டிருந்தான் . அங்கு மிக அதிகமாக
குறும்பு செய்ததால் பள்ளியின் ஆசிரியர்கள் , அந்த பையனின் பெற்றோர் மீது CHILD CARE
ACT ல் (பிள்ளைகளை சரியாக வளர்க்கிறார்களா
இல்லையா என்பதற்கான சட்டம் ) புகார் செய்தார்கள்.
.
புகாரின் நிமித்தம்
ஒரு குழுவினர் ஒரு வாரத்திற்கு , தினம் ஒரு மணி நேரம் அந்த வீட்டில் இருந்து பிள்ளைகளை
வளர்ப்பதை கவனித்து பார்த்தார்களாம் . இது
தான் விசாரணை . இந்த விசாரணையின் முடிவில்
, அந்த தாய்க்கு குழந்தையை வளர்க்கும்
தகுதி இல்லை ( அதிகமாக உணவூட்டுகிறார் என்றும்
பொறுமையாக இல்லை ) என்று தீர்ப்பு செய்து அவர்களின் 2 பிள்ளைகளையும்
எடுத்து கொண்டு நார்வே அரசின் காப்பகங்களில் சேர்த்து விட்டார்கள் . அதுவும் இரு பிள்ளைகளையும் இரண்டு வெவ்வேறு காப்பகங்களில்
சேர்த்து உள்ளார்கள் .
தங்களது விசா இன்னும்
சில மாதங்களில் முடிய உள்ளதால் , தாங்கள் பெற்ற பிள்ளை
தங்களுக்கு கிடைக்குமா என்ற பதை பதைப்பில் பெற்றோர்கள் உள்ளனர் . தாயும் , தந்தையும் பிரிந்தால் குழந்தையை தந்தையிடம் ஒப்படைக்க
தயார் என நார்வே அரசு அறிவித்துள்ளது
குழந்தைகள் விஷயத்தில்
இஸ்லாம் காட்டும் அக்கறையை போன்று வேறு எந்த மதமும் அக்கறை காட்டுவதில்லை. அதில் கவனம்
செலுத்தவும் இல்லை. இஸ்லாம் எந்த விஷயத்தையும் தூரநோக்கத்தோடு பார்க்கும். அதைப்போன்று
குழந்தை விஷயத்திலும் இஸ்லாம் குழந்தை உருவாகுவதில் இருந்து கவனமாக இருக்க சொல்லும்.
குழந்தைகள்
விஷயத்தில் இஸ்லாம் கூறும் வழிகாட்டுதலை பார்ப்போம்…
நல்ல குழந்தைகள்
கிடைக்க துஆ செய்ய வேண்டும்.
இறைத்தூதர்கள் தங்களுக்கு
குழந்தை பாக்கியத்தை வேண்டும் போது நல்ல குழந்தைகளைத் தருமாறு அல்லாஹ்விடம் பிரார்த்தனை
செய்துள்ளார்கள்..
يَرِثُنِي وَيَرِثُ مِنْ آَلِ يَعْقُوبَ
وَاجْعَلْهُ رَبِّ رَضِيًّا
எனக்குப் பின் உறவினர்கள் குறித்து நான் அஞ்சுகிறேன்.
என் மனைவியும் பிள்ளைப்பேறு அற்றவளாக இருக்கிறார். எனவே ஒரு பொறுப்பாளரை நீ எனக்கு
வழங்குவாயாக! அவர் எனக்கும், யஃகூபின் குடும்பத்தாருக்கும்
வாரிசாவார். என் இறைவா! அவரை (உன்னால்) பொருந்திக் கொள்ளப்பட்டவராக ஆக்குவாயாக!''
என்று (ஸக்கரிய்யா) கூறினார்.
அல்குர்ஆன் (19
: 6)
هُنَالِكَ دَعَا زَكَرِيَّا رَبَّهُ قَالَ
رَبِّ هَبْ لِي مِنْ لَدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاءِ
ஸக்கரிய்யா "இறைவா! உன்னிடமிருந்து எனக்கொரு
தூய குழந்தையைத் தருவாயாக! நீ வேண்டுதலைச் செவியுறுபவன்'' என்று தம் இறைவனிடம் வேண்டினார். அல்குர்ஆன் (3
: 38)
நல்ல குழந்தைகள்
கிடைக்க பெற்றோர்கள் பேணுதலாக இருக்கவேண்டும்
எனவே நம் குழந்தை
ஒழுக்கத்திலும் மார்க்கத்திலும் நன்நடத்தையிலும் நற்குணத்திலும் சிறந்து விளங்க வேண்டும்
என்று நினைத்தால் முதலில் நம்மிடத்தில் பேணுதல் ஏற்பட வேண்டும். நமது நடவடிக்கைள் ஒவ்வொன்றும்
இஸ்லாத்திற்கு உட்பட்டு அமைய வேண்டும்.
عن ابن عباس قال : قال رسول الله صلى الله
عليه وسلم « لو أن أحدكم إذا أتى أهله قال : بسم الله ، اللهم جنبنا الشيطان وجنب الشيطان
ما رزقتنا ، فقضى بينهما ولد لم يضره الشيطان أبداً
والنسائي وابن ماجة والبيهقي
5165. இறைத்தூதர்(ஸல்) அவர்கள்
கூறினார்கள்''
உங்களில் ஒருவர் தம்
மனைவியுடன் தாம்பத்திய உறவுகொள்ளும்போது 'பிஸ்மில்லாஹி; அல்லாஹும்ம ஜன்னிப்னிஷ்ஷைத்தான் வ ஜன்னிபிஷ் ஷைத்தான்
மா ரஸக்த்தனா' (அல்லாஹ்வின் திருப்பெயரால்!
இறைவா! என்னை விட ஷைத்தானை விலக்கிவைப்பாயாக! எனக்கு நீ வழங்கும் குழந்தைச் செல்வத்தைவிட்டும்
ஷைத்தானை விலக்கிவைப்பாயாக!') என்று பிரார்த்தித்து
அதன்பின்னர் அந்தத் தம்பதியருக்கு விதிக்கப்பட்டபடி குழந்தை பிறந்தால், அக்குழந்தைக்கு ஒருபோதும் ஷைத்தான் தீங்கிழைப்பதில்லை.
என இப்னு அப்பாஸ்(ரலி)
அறிவித்தார். 105
குழந்தை நல்ல முறையில் வளர்க்க வேண்டும்
பிறக்கும் போது எல்லாக்
குழந்தைகளும் நல்லக் குழந்தைகளாகவே பிறக்கின்றார்கள். அவர்கள் நல்லவர்களாக ஆவதும் தீயவர்களாக
ஆவதும் பெற்றோர்கள் வளர்க்கும் முறையில் தான் உள்ளது. பெற்றோர்கள் உண்மையான முஸ்லிம்களாக இருந்தால் பிள்ளைகளும்
அவர்களைப் போன்றே தூய இஸ்லாமிய சிந்தனையில் வளர்கிறார்கள். பெயரளவில் முஸ்லிமாக இருந்தால்
குழந்தைகளும் பெயரளவில் முஸ்லிம்களாக வளர்கிறார்கள்.
பெற்றோரின் கொள்கை கோட்பாடு குணநலன்கள் குழந்தைகளிடத்தில் பிரதிபலிப்பதை கண்கூடாக பார்த்து
வருகிறோம்.
قَالَ النَّبِيُّ صَلَّى اللَّهُ عَلَيْهِ
وَسَلَّمَ مَا مِنْ مَوْلُودٍ إِلَّا يُولَدُ عَلَى الْفِطْرَةِ فَأَبَوَاهُ يُهَوِّدَانِهِ
أَوْ يُنَصِّرَانِهِ أَوْ يُمَجِّسَانِهِ كَمَا تُنْتَجُ الْبَهِيمَةُ بَهِيمَةً جَمْعَاءَ
هَلْ تُحِسُّونَ فِيهَا مِنْ جَدْعَاءَ ثُمَّ يَقُولُ أَبُو هُرَيْرَةَ رَضِيَ اللَّهُ
عَنْهُ
{ فِطْرَةَ اللَّهِ الَّتِي فَطَرَ النَّاسَ
عَلَيْهَا }
الْآيَةَ
"ஒரு விலங்கு எப்படி முழு வளர்ச்சி பெற்ற விலங்கைப்
பெற்றெடுக்கிறதோ அதைப்போல, எல்லாக் குழந்தைகளுமே
இயற்கையான (மார்க்கத்)தில்தான் பிறக்கின்றன. விலங்குகள் அங்கக் குறைவுடன் பிறப்பதை
நீங்கள் பார்த்திருக்கிறீர்களா? (முழுமையான விலங்கை
அங்க சேதப்படுத்துவதுபோல்) பெற்றோர்கள்தாம் குழந்தைகளை (இயற்கையான மார்க்கத்தைவிட்டுத்
திருப்பி) யூதர்களாகவோ கிறித்தவர்களாகவோ நெருப்பு வணங்கிகளாகவோ ஆக்கிவிடுகின்றனர்.
அறிவிப்பவர் : அபூஹுரைரா (ரலி)
நூல் : புகாரி (1359)
எல்லாப் பெற்றோர்களும்
இஸ்லாம் கூறும் குழந்தை வளர்ப்பு முறையை கையாண்டால் வளரும் குழந்தைகள் முழுக்க முழுக்க
இறைவனுக்கும் பெற்றோர்களுக்கும் கட்டுப்பட்டு நடப்பார்கள் என்பதில் சந்தேகமில்லை. இப்ராஹீம்
(அலை) தனது மகன் இஸ்மாயீலை முறையான
அடிப்படையில் வளர்த்தக் காரணத்தினால் தான் அரும்பெரும்
தியாகங்களை இறைவனுக்காக செய்வதற்கு இஸ்மாயீல் (அலை) அவர்கள் தயாரானார்கள். அவருடன்
உழைக்கும் நிலையை அவர் (இஸ்மாயீல்) அடைந்த போது "என் அருமை மகனே! நான் உன்னை அறுப்பது
போல் கனவில் கண்டேன். நீ என்ன கருதுகிறாய் என்பதைச் சிந்தித்துக் கூறு'' என்று கேட்டார். "என் தந்தையே! உங்களுக்குக்
கட்டளையிடப்பட்டதைச் செய்யுங்கள்! அல்லாஹ் நாடினால் என்னைப் பொறுமையாளனாகக் காண்பீர்கள்''
என்று பதிலளித்தார். இருவரும்
கீழ்ப்படிந்து (தமது) மகனை அவர் முகம் குப்புறக் கிடத்திய போது, "இப்ராஹீமே! அக்கனவை நீர் உண்மைப்படுத்தி விட்டீர்.
நன்மை செய்வோருக்கு இவ்வாறே நாம் கூலி வழங்குவோம்'' என்று அவரை அழைத்துக் கூறினோம்.
அல்குர்ஆன் (37
: 102)
عَنْ أَبِي هُرَيْرَةَ
أَنَّ رَسُولَ اللَّهِ صَلَّى اللَّهُ عَلَيْهِ
وَسَلَّمَ قَالَ خَيْرُ نِسَاءٍ رَكِبْنَ الْإِبِلَ نِسَاءُ قُرَيْشٍ وَقَالَ الْآخَرُ
صَالِحُ نِسَاءِ قُرَيْشٍ أَحْنَاهُ عَلَى وَلَدٍ فِي صِغَرِهِ وَأَرْعَاهُ عَلَى زَوْجٍ
فِي ذَاتِ يَدِهِ
5082. இறைத்தூதர்(ஸல்) அவர்கள்
கூறினார்கள்''
ஒட்டகங்களில் பயணம்
செய்த (அரபுப்) பெண்களிலேயே சிறந்தவர்கள், நல்ல குறைஷிக்குல பெண்களாவர். அவர்கள் குழந்தைகளின் மீது அதிகப் பாசம் கொண்டவர்கள்;
தம் கணவனின் செல்வத்தை அதிகமாகப்
பேணிக் காப்பவர்கள். 18
என அபூ ஹுரைரா(ரலி)
அறிவித்தார்
குழந்தைகளை பெற்றெடுப்பதினால்
இந்த உலகத்தில் இன்னும் ஏராளமான நன்மைகள் ஏற்படுகிறது. மறுமையிலும் பெற்றோர்கள் நன்றாக
வாழ்வதற்கும் இன்பத்தை அனுபவிப்பதற்கும் நல்லக் குழந்தைகள் காரணமாக அமைகின்றன,
எனவே இந்த பாக்கியத்தை நாம்
அனைவரும் கேட்க வேண்டும்.
عَنْ أَبِي هُرَيْرَةَ قَالَ
قَالَ رَسُولُ اللَّهِ صَلَّى اللَّهُ عَلَيْهِ
وَسَلَّمَ إِنَّ اللَّهَ عَزَّ وَجَلَّ لَيَرْفَعُ الدَّرَجَةَ لِلْعَبْدِ الصَّالِحِ
فِي الْجَنَّةِ فَيَقُولُ يَا رَبِّ أَنَّى لِي هَذِهِ فَيَقُولُ بِاسْتِغْفَارِ وَلَدِكَ
لَكَ
அல்லாஹ்வின் தூதர் (ஸல்) அவர்கள் கூறினார்கள் : கண்ணியமும்
மகத்துவமும் மிக்க அல்லாஹ் நல்ல அடியானுக்கு சொர்க்கத்தில் அந்தஸ்த்தை உயர்த்துவான்.
அப்போது அந்த அடியான் என் இறைவா இது எனக்கு எப்படிக் கிடைத்தது என்று கேட்பான். அதற்கு
அல்லாஹ் உனக்காக உன் குழந்தை பாவமன்னிப்புக் கேட்டதால் (உனக்குக் இந்த அந்தஸ்த்து கிடைத்தது.)
என்று கூறுவான். அறிவிப்பவர் : அபூஹுரைரா (ரலி)
நூல் : அஹ்மத் (10202)
ஈருலகத்திலும் பலனை
அடைய வேண்டும் என்றால் பிறக்கும் குழந்தைகள் நல்ல குழந்தைகளாக வளர்க்கப்பட வேண்டும்.
குடும்பக்கட்டுப்பாடு
செய்யலாமா?
கருவில் குழந்தை உருவாகுவதை
தடுப்பதற்கு நபி (ஸல்) அவர்களின் காலத்தில் அஸ்ல் என்ற ஒரு முறை இருந்தது. இல்லற வாழ்வின்
போது ஆண் உச்சகட்ட நிலையை அடையும் போது தன் விந்தை மனைவியின் கற்ப அறைக்குள் செலுத்தாமல்
வெளியே விட்டுவிடுவான். இம்முறைக்குத் தான் அஸ்ல் என்று சொல்லப்படுகிறது. இவ்வாறு செய்வதை
நபி (ஸல்) அனுமதித்துள்ளார்கள் என்பதற்கு பல சான்றுகள் உள்ளது. நபி (ஸல்) அவர்களது
காலத்தில் குர்ஆன் அருளப்பட்டுக்கொண்டிருந்த நிலையில் நாங்கள் "அஸ்ல்'
(புணர்ச்சி இடை முறிப்பு) செய்துகொண்டிருந்தோம்.
அறிவிப்பவர் : ஜாபிர் (ரலி)
நூல் : புகாரி (5209)
மேலுள்ள செய்திகளை
கவனிக்கும் போது அஸ்ல் செய்வது தடைசெய்யப்பட்ட ஒன்றல்ல என்பதை விளங்கிக்கொள்ளலாம்.
என்றாலும் நபி (ஸல்) அவர்கள் இவ்வாறு செய்வது சிறந்தது என்றோ நன்மையான காரியம் என்றோ
கூறவில்லை. மாறாக இதை தவிர்த்துக்கொள்வது நல்லது என்ற அளவில் தான் கூறியுள்ளார்கள்.
பின்வரும் செய்திகளை கவனிக்கும் போது இந்த முடிவுக்கு வரலாம்.
أَنَّ أَبَا سَعِيدٍ الْخُدْرِيَّ رَضِيَ
اللَّهُ عَنْهُ أَخْبَرَهُ أَنَّهُ
بَيْنَمَا هُوَ جَالِسٌ عِنْدَ النَّبِيِّ
صَلَّى اللَّهُ عَلَيْهِ وَسَلَّمَ قَالَ يَا رَسُولَ اللَّهِ إِنَّا نُصِيبُ سَبْيًا
فَنُحِبُّ الْأَثْمَانَ فَكَيْفَ تَرَى فِي الْعَزْلِ فَقَالَ أَوَإِنَّكُمْ تَفْعَلُونَ
ذَلِكَ لَا عَلَيْكُمْ أَنْ لَا تَفْعَلُوا ذَلِكُمْ فَإِنَّهَا لَيْسَتْ نَسَمَةٌ
كَتَبَ اللَّهُ أَنْ تَخْرُجَ إِلَّا هِيَ خَارِجَةٌ
நாங்கள் அஸ்ல் செய்ய விரும்பினோம். எனவே அது பற்றி
அல்லாஹ்வின் தூதர் (ஸல்) அவர்களிடம் கேட்டோம். அதற்கு அவர்கள் அதை நீங்கள் செய்யாமல்
இருந்தால் தவறேதுமில்லையே. மறுமை நாள் வரை உருவாக வேண்டிய எந்த உயிரும் கட்டாயம் உருவாகியேத்
தீரும் என்று பதிலளித்தார்கள்.
அறிவிப்பவர் : அபூ
சயீத் அல்குத்ரீ (ரலி) நூல் : புகாரி (2542)
தற்காலிகமாக குழந்தை
உருவாவதை தடுத்துக்கொள்வதற்கான வழி தான் அஸ்ல் என்பது. அவ்வாறு செய்வதை சிறந்தது கிடையாது
என்று நபியவர்கள் கருதியிருக்கும் போது நிரந்தரமாக குழந்தை உருவாகாதவாறு குடும்பக்கட்டுப்பாடு
செய்வது முற்றிலும் தவறாகும். தற்காலிக குடும்பக் கட்டுப்பாடான அஸ்ல் செய்வதற்கு நபி
(ஸல்) அவர்கள் அனுமதியளித்துள்ளதால் ஆணுறை காப்பர்டி போன்ற நவீன சாதனங்களை பயன்படுத்தி
தற்காலிகமாக குழந்தை பிறப்பதை தவிர்த்துக்கொள்வதற்கு மட்டும் அனுமதியுள்ளது.
குழந்தை
பாக்கியம் என்பது அல்லாஹ் கொடுத்த ஒரு மாபெரும் பாக்கியம். போதுமான அளவு குழந்தைகளை
பெற்றெடுத்தப் பின் நிரந்தர குடும்பக்கட்டுப்பாட்டை செய்யலாம் என்று பலர் நினைக்கிறார்கள்.
நிரந்தர குடும்பக்கட்டுப்பாட்டை செய்த பின் பெற்றெடுத்தக் குழந்தைகள் விபத்தில் சிக்கி
இறந்துவிட்டால் மீண்டும் இவர்கள் குழந்தை பாக்கியத்தை எப்படி பெறமுடியும்?.
இதை சிந்தித்துப் பார்த்தாலே
யாரும் நிரந்தர குடும்பக்கட்டுப்பாட்டை செய்யமாட்டார்கள். அதிகமானக் குழந்தைகளை பெற்றெடுப்பது
மார்க்கத்தில் ஆர்வமூட்டப்பட்ட ஒன்றாகும். அதிகக் குழந்தைகளை பெற்றெடுக்கும் பெண்களை
திருமணம் செய்யுங்கள் என்று நபி (ஸல்) கூறியுள்ளார்கள்.
عَنْ مَعْقِلِ بْنِ يَسَارٍ قَالَ
جَاءَ رَجُلٌ إِلَى رَسُولِ اللَّهِ صَلَّى
اللَّهُ عَلَيْهِ وَسَلَّمَ فَقَالَ إِنِّي أَصَبْتُ امْرَأَةً ذَاتَ حَسَبٍ وَمَنْصِبٍ
إِلَّا أَنَّهَا لَا تَلِدُ أَفَأَتَزَوَّجُهَا فَنَهَاهُ ثُمَّ أَتَاهُ الثَّانِيَةَ
فَنَهَاهُ ثُمَّ أَتَاهُ الثَّالِثَةَ فَنَهَاهُ فَقَالَ تَزَوَّجُوا الْوَلُودَ الْوَدُودَ
فَإِنِّي مُكَاثِرٌ بِكُمْ
ஒரு மனிதர் அல்லாஹ்வின் தூதர் (ஸல்) அவர்களிடம் வந்து
(அல்லாஹ்வின் தூதரே) அந்தஸ்த்தும் மதிப்பும் உள்ள ஒரு பெண் எனக்குக் கிடைத்துள்ளாள்.
ஆனால் அவள் குழந்தையை பெற்றெடுக்கமாட்டாள். அவளை நான் திருமணம் செய்யலாமா? என்று கேட்டார்.
அதற்கு நபி (ஸல்) அவர்கள் (வேண்டாமென்று)
அவரைத் தடுத்துவிட்டார்கள். இரண்டாவது முறையும் அவர் நபி (ஸல்) அவர்களிடம் வந்த போதும்
தடுத்தார்கள். மூன்றாவது முறை அவர் வந்த போதும் நபி (ஸல்) அவர்கள் அவரைத் தடுத்தார்கள்.
(குழந்தையை பெற்றெடுக்க) அதிகம் விரும்பும் பெண்ணையே திருமணம் செய்யுங்கள். (குழந்தையை
பெற்றெடுக்க) அதிகம் விரும்பும் பெண்ணையே திருமணம் செய்யுங்கள். ஏனென்றால் (மறுமை நாளில்)
உங்களின் மூலமாகத் தான் மாபெரும் சமுதாயத்திற்குரிய (நபியாக) நான் திகழுவேன் என்று கூறினார்கள்.
அறிவிப்பவர் : மஃகில் பின் யசார் (ரலி) நூல் : நஸயீ
(3175)
குழந்தையின் காதில்
பாங்கு சொல்ல வேண்டுமா? குழந்தை பிறந்த உடன்
குழந்தையின் வலது காதில் பாங்கும் இடது காதில் இகாமத்தும் சொல்ல வேண்டும்
عَنْ عَاصِمِ بْنِ عُبَيْدِ اللَّهِ عَنْ
عُبَيْدِ اللَّهِ بْنِ أَبِي رَافِعٍ عَنْ أَبِيهِ قَالَ
رَأَيْتُ رَسُولَ اللَّهِ صَلَّى اللَّهُ
عَلَيْهِ وَسَلَّمَ أَذَّنَ فِي أُذُنِ الْحَسَنِ بْنِ عَلِيٍّ حِينَ وَلَدَتْهُ فَاطِمَةُ
بِالصَّلَاةِ
. ஃபாத்திமா (ரலி) அவர்கள்
ஹசன் (ரலி) அவர்களை பெற்றெடுத்த போது நபி (ஸல்) அவர்கள் ஹசன் (ரலி) அவர்களின் காதில்
பாங்கு சொன்னார்கள் என்று ஒரு ஹதீஸ் திர்மிதியில் 1436 வது இடம்பெற்றுள்ளது
.
عَنْ أَبِي الدَّرْدَاءِ قَالَ
قَالَ رَسُولُ اللَّهِ صَلَّى اللَّهُ عَلَيْهِ
وَسَلَّمَ إِنَّكُمْ تُدْعَوْنَ يَوْمَ الْقِيَامَةِ بِأَسْمَائِكُمْ وَأَسْمَاءِ آبَائِكُمْ
فَحَسِّنُوا أَسْمَاءَكُمْ
மறுமை நாளில் உங்களுடைய
தந்தையின் பெயருடன் உங்ளது பெயரால் நீங்கள்
அழைக்கப்படுவீர்கள். ஆகையால் உங்களது பெயர்களை அழகுபடுத்திக் கொள்ளுங்கள் என்று நபி
(ஸல்) அவர்கள் கூறினார்கள். அறிவிப்பவர் : அபூ தர்தா (ரலி) நூல் : அஹ்மத் (20704)
கெட்டவர்களின் பெயரை
சூட்டக்கூடாது
عَنْ عُمَرَ بْنِ الْخَطَّابِ رَضِيَ اللَّهُ
عَنْهُ قَالَ
وُلِدَ لِأَخِي أُمِّ سَلَمَةَ زَوْجِ النَّبِيِّ
صَلَّى اللَّهُ عَلَيْهِ وَسَلَّمَ غُلَامٌ فَسَمَّوْهُ الْوَلِيدَ فَقَالَ النَّبِيُّ
صَلَّى اللَّهُ عَلَيْهِ وَسَلَّمَ سَمَّيْتُمُوهُ بِأَسْمَاءِ فَرَاعِنَتِكُمْ لَيَكُونَنَّ
فِي هَذِهِ الْأُمَّةِ رَجُلٌ يُقَالُ لَهُ الْوَلِيدُ لَهُوَ شَرٌّ عَلَى هَذِهِ الْأُمَّةِ
مِنْ فِرْعَوْنَ لِقَوْمِهِ
நபி (ஸல்) அவர்களின் மனைவியான உம்முசலமாவின் சகோதரனுக்கு
ஒரு ஆண்குழந்தைப் பிறந்தது. அவர்கள் (உம்முசலமாவின் குடும்பத்தார்கள்) அக்குழந்தைக்கு
வலீத் என்று பெயர் வைத்தார்கள். (இதை அறிந்தவுடன்) நபி (ஸல்) அவர்கள் எகிப்து நாட்டு
மன்னர்களின் பெயர்களையா அதற்கு வைத்தீர்கள்? இந்த சமுதாயத்தில் ஒரு மனிதன் தோன்றுவான். அவனுக்கு
வலீத் என்று சொல்லப்படும். ஃபிர்அவன் அவனது சமுதாயத்திற்கு தீங்கிழைத்ததை விட அவன்
இந்த சமுதாயத்திற்கு அதிகம் தீங்கிழைப்பான் என்று கூறினார்கள்.
அறிவிப்பாளர் உமர்
பின் ஹத்தாப் (ரலி)
நூல் : அஹ்மத் (104)
عَنْ ابْنِ الْمُسَيَّبِ عَنْ أَبِيهِ أَنَّ
أَبَاهُ
جَاءَ إِلَى النَّبِيِّ صَلَّى اللَّهُ
عَلَيْهِ وَسَلَّمَ فَقَالَ مَا اسْمُكَ قَالَ حَزْنٌ قَالَ أَنْتَ سَهْلٌ قَالَ لَا
أُغَيِّرُ اسْمًا سَمَّانِيهِ أَبِي
قَالَ ابْنُ الْمُسَيَّبِ فَمَا زَالَتْ
الْحُزُونَةُ فِينَا بَعْدُ حَدَّثَنَا عَلِيُّ بْنُ عَبْدِ اللَّهِ وَمَحْمُودٌ هُوَ
ابْنُ غَيْلَانَ قَالَا حَدَّثَنَا عَبْدُ الرَّزَّاقِ أَخْبَرَنَا مَعْمَرٌ عَنْ الزُّهْرِيِّ
عَنْ ابْنِ الْمُسَيَّبِ عَنْ أَبِيهِ عَنْ جَدِّهِ بِهَذَا
. முஸய்யப் (ரலி) அவர்களின் தந்தை நபி (ஸல்) அவர்களிடத்தில்
வந்த போது நபி (ஸல்) அவர்கள் உங்களது பெயர் என்ன என்று வினவினார்கள். அதற்கு அவர் ஹஸ்ன்
(முரடு) என்று சொன்னார். நபி (ஸல்) அவர்கள் (இனிமேல் உமது பெயர்) சஹ்ல் (இலகு) ஆகும்
என்று கூறினார்கள்.
அதற்கு அவர் எனது தந்தை எனக்கு இட்டப் பெயரை நான் மாற்றமாட்டேன்
என்று கூறிவிட்டார். (இந்த ஹதீஸை அறிவிக்கும் முஸைய்யப் அவர்கள் கூறுகிறார்கள்.) இதன்
பின்னர் எங்களிடம் (குணநலன்களில்) முரட்டுத்தன்மை
தொடர்ந்து இருந்து கொண்டே இருந்தது. அறிவிப்பவர் : முஸைய்யப் (ரலி) நூல் : புகாரி
(6190)
ஸைனப் (ரலி) அவர்களுக்கு
(முதலில்) பர்ரா (நல்லவள்) என்ற பெயர் இருந்தது.
அப்போது "அவர் தம்மைத் தாமே பரிசுத்தப் படுத்திக்கொள்கிறார்'' என்று (மக்களால்) சொல்லப்பட்டது. ஆகவே, அவருக்கு அல்லாஹ்வின் தூதர் (ஸல்) அவர்கள்
"ஸைனப்' என்று பெயர் சூட்டினார்கள்.
அறிவிப்பவர் : அபூஹுரைரா (ரலி)
நூல் : புகாரி (6192)
நபி (ஸல்) அவர்கள் ஆசியாவின் (மாறுசெய்பவள்) பெயரை
மாற்றி (அவரிடம்) நீ ஜமீலாவாகும் (அழகானவள்) என்று கூறினார்கள். அறிவிப்பவர் : அப்துல்லாஹ்
பின் உமர் (ரலி) நூல் : அபூதாவூத் (4301) ஆஸியா (عَاصِيَة) என்பதின் பொருள் மாறுசெய்பவள்
என்பதாகும். இதில் முதலாவது எழுத்தாக அய்னும் இரண்டாவது எழுத்தாக ஸாதும் இடம்பெற்றுள்ளது.
இந்தப் பெயரை வைப்பது கூடாது. ஆசியா (آسٍيَة) என்பதின் பொருள்
பின்பற்றுபவள் என்பதாகும். இதில் முதலாவதாக
அலிஃபும் இரண்டாவதாக சீனும் இடம்பெற்றுள்ளது. இப்பெயரை வைப்பதற்கு தடையில்லை.
அகீகா கொடுக்க வேண்டும்.
ஓவ்வொரு குழந்தையும்
அகீகாவுடன் பிணைக்கப்பட்டுள்ளது. அது பிறந்த ஏழாம் நாளில் அதற்காக (ஆடு) அறுக்கப்படும்.
அதை விட்டு நோவினை (தலை முடி) அகற்றப்படும். அதற்கு பெயரும் வைக்கப்படும் என்று நபி
(ஸல்) அவர்கள் கூறினார்கள். அறிவிப்பவர் : சமுரா (ரலி) நூல் : அஹ்மத் (19327)
இந்த ஹதீஸில் ஏழாவது
நாள் குழந்தைக்குப் பெயர் வைக்கப்படும் என்று வந்துள்ளது. இதனடிப்படையில் குழந்தை பிறந்து
ஏழாவது நாளும் பெயர் சூட்டலாம்.
அகீகா குழந்தை பிறந்த
ஏழாம் நாளில் ஆண்குழந்தையாக இருந்தால் அதற்காக இரண்டு ஆடுகளையும் பெண்குழந்தையாக இருந்தால்
அதற்காக ஓருஆட்டையும் அறுத்து ஏழை எளியவர்கள் உறவினர்களுக்கு உணவளிப்பதற்கு அகீகா என்று
சொல்லப்படுகின்றது. இவ்வாறு செய்வதை நபி (ஸல்) அவர்கள் காட்டித்தந்துள்ளார்கள்.
எத்தனை
ஆடுகள் அறுக்க வேண்டும்?
عَنْ عَمْرِو بْنِ شُعَيْبٍ عَنْ أَبِيهِ
عَنْ جَدِّهِ قَالَ
سُئِلَ رَسُولُ اللَّهِ صَلَّى اللَّهُ
عَلَيْهِ وَسَلَّمَ عَنْ الْعَقِيقَةِ فَقَالَ لَا أُحِبُّ الْعُقُوقَ وَمَنْ وُلِدَ
لَهُ مَوْلُودٌ فَأَحَبَّ أَنْ يَنْسُكَ عَنْهُ فَلْيَفْعَلْ عَنْ الْغُلَامِ شَاتَانِ
مُكَافَأَتَانِ وَعَنْ الْجَارِيَةِ شَاةٌ
நபி (ஸல்) அவர்களிடம் அகீகாவைப் பற்றி கேட்கப்பட்டது.
அதற்கு அவர்கள் மாறுசெய்வதை நான் விரும்பமாட்டேன். யாருக்கேனும் குழந்தை பிறந்து அதற்காக
அவர் (ஆட்டை) அறுத்து வணக்கம்புரிய விரும்பினால் அவர் ஒரே மாதிரியான இரண்டு ஆட்டை ஆண்குழந்தைக்கும்
ஒரு ஆட்டை பெண்குழந்தைக்கும் கொடுக்கட்டும் என்று கூறினார்கள். அறிவிப்பவர் : அப்துல்லாஹ்
பின் அம்ர் (ரலி) நூல் : அஹ்மத் (6530)
பிராணியின்
எலும்பை உடைக்கலாமா?
அகீகாக் கொடுக்கப்படும்
பிராணியின் எலும்பை உடைக்கக்கூடாது என்று நபி (ஸல்) அவர்கள் கூறியதாக ஒரு ஹதீஸ் உள்ளது.
ஹசன் ஹுஸைன் ஆகிய
இருவருக்காக ஃபாத்திமா (ரலி) அவர்கள் அகீகா கொடுத்த போது நீங்களும் (இதிலிருந்து) உண்ணுங்கள்.
(பிறருக்கும்) உண்ணக்கொடுங்கள். இதன் எழும்பை உடைத்துவிடாதீர்கள் என்று நபி (ஸல்) அவர்கள்
கூறினார்கள். இந்தச் செய்தி இமாம் அபூதாவூத் அவர்கள் எழுதிய அல்மராசீல் என்ற நூலில்
பதிவு செய்யப்பட்டுள்ளது.
குழந்தைகளுக்காக பிரார்த்தனை
செய்ய வேண்டும்
குழந்தைகளுக்காக பிரார்த்தனை செய்வது பெற்றோர்கள்
செய்ய வேண்டிய முக்கியமான காரியமாகும். நாம் எவ்வளவு தான் திருத்துவதற்கு முயற்சி செய்தாலும்
அல்லாஹ் நாடாவிடால் நம் குழந்தைகள் நல்லவர்களாக உருவெடுக்க முடியாது. எனவே இந்த விஷயத்தில்
அல்லாஹ்வின் உதவியை அவசியம் கேட்க வேண்டும். இறைத்தூதரின் மகனாக இருந்தாலும் அல்லாஹ்வின்
நாட்டம் இருந்தால் தான் அவன் நல்லவனாக முடியும். எனவே தான் நபிமார்கள் தங்கள் பிள்ளைகள்
நல்லவர்களாகத் திகழ வேண்டும் என்று பிரார்த்தனை செய்துள்ளார்கள். எங்கள் இறைவா! எங்களை
உனக்குக் கட்டுப்பட்டோராகவும், எங்கள் வழித் தோன்றல்களை
உனக்குக் கட்டுப்பட்டு நடக்கும் சமுதாயமாகவும் ஆக்குவாயாக! எங்கள் வழிபாட்டு முறைகளை
எங்களுக்குக் காட்டித் தருவாயாக! எங்களை மன்னிப்பாயாக! நீ மன்னிப்பை ஏற்பவன் ;
நிகரற்ற அன்புடையோன் (என்று
இப்ராஹீமும் இஸ்மாயீலும் பிரார்த்தனை செய்தார்கள்).
அல்குர்ஆன் (2 : 128)
رَبِّ اجْعَلْنِي مُقِيمَ الصَّلَاةِ وَمِنْ
ذُرِّيَّتِي رَبَّنَا وَتَقَبَّلْ دُعَاءِ
என் இறைவா! என்னையும், என் சந்ததிகளிலும் தொழுகையை நிலை நாட்டுவோராக ஆக்குவாயாக!
எங்கள் இறைவா! எனது பிரார்த்தனையை ஏற்பாயாக! (என்று இப்ராஹீம் கூறினார்.)
அல்குர்ஆன் (14 : 40) "
وَالَّذِينَ يَقُولُونَ رَبَّنَا هَبْ لَنَا
مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ
إِمَامًا
எங்கள் இறைவா! எங்கள்
வாழ்க்கைத் துணைகளிலிருந்தும், மக்களிலிருந்தும்
எங்களுக்குக் கண் குளிர்ச்சியைத் தருவாயாக! (உன்னை) அஞ்சுவோருக்கு முன்னோடியாகவும்
எங்களை ஆக்குவாயாக!'' என்று அவர்கள் கூறுகின்றனர்.
அல்குர்ஆன் (25 : 74)
குழந்தைகளை சபிக்க கூடாது.
அன்சாரிகளில் ஒருவர்
தமது ஒட்டகத்தை மண்டியிடச் செய்து அதில் ஏறினார். பிறகு அதைக் கிளப்பினார். ஆனால்,
அது சிறிது (சண்டித்தனம் செய்து)
நின்று விட்டது. அப்போது அவர் "ஷஃ' என அதை விரட்டிவிட்டு, "உனக்கு அல்லாஹ்வின்
சாபம் உண்டாகட்டும்!'' என்று சபித்தார்.
இதைச் செவியுற்ற அல்லாஹ்வின் தூதர் (ஸல்) அவர்கள், "தமது ஒட்டகத்தைச் சபித்த இந்த மனிதர் யார்?''
என்று கேட்டார்கள்.
"நான்தான், அல்லாஹ்வின் தூதரே!''
என்று அந்த அன்சாரி பதிலளித்தார்.
அல்லாஹ்வின் தூதர் (ஸல்) அவர்கள், "அதிலிருந்து இறங்கிவிடு! சபிக்கப்பட்ட ஒரு பொருளோடு எங்களுடன் நீர் வர வேண்டாம்.
நீங்கள் உங்களுக்கெதிராகவோ உங்கள் குழந்தைகளுக் கெதிராகவோ உங்கள் செல்வங்களுக்கெதிராகவோ
பிரார்த்திக்காதீர்கள். அல்லாஹ்விடம் கேட்டது கொடுக்கப்படும் நேரமாக அது தற்செயலாக
அமைந்துவிட்டால், உங்கள் பிரார்த்தனையை
அவன் ஏற்றுக்கொள்வான் (அது உங்களுக்குப் பாதகமாக அமைந்துவிடும்)'' என்று சொன்னார்கள். அறிவிப்பவர் : ஜாபிர் (ரலி)
நூல் : முஸ்லிம் (5736)
عَنْ أَبِي هُرَيْرَةَ
عَنْ النَّبِيِّ صَلَّى اللَّهُ عَلَيْهِ
وَسَلَّمَ قَالَ لَمْ يَتَكَلَّمْ فِي الْمَهْدِ إِلَّا ثَلَاثَةٌ عِيسَى وَكَانَ فِي
بَنِي إِسْرَائِيلَ رَجُلٌ يُقَالُ لَهُ جُرَيْجٌ كَانَ يُصَلِّي جَاءَتْهُ أُمُّهُ
فَدَعَتْهُ فَقَالَ أُجِيبُهَا أَوْ أُصَلِّي فَقَالَتْ اللَّهُمَّ لَا تُمِتْهُ حَتَّى
تُرِيَهُ وُجُوهَ الْمُومِسَاتِ وَكَانَ جُرَيْجٌ فِي صَوْمَعَتِهِ فَتَعَرَّضَتْ لَهُ
امْرَأَةٌ وَكَلَّمَتْهُ فَأَبَى فَأَتَتْ رَاعِيًا فَأَمْكَنَتْهُ مِنْ نَفْسِهَا
فَوَلَدَتْ غُلَامًا فَقَالَتْ مِنْ جُرَيْجٍ فَأَتَوْهُ فَكَسَرُوا صَوْمَعَتَهُ وَأَنْزَلُوهُ
وَسَبُّوهُ فَتَوَضَّأَ وَصَلَّى ثُمَّ أَتَى الْغُلَامَ فَقَالَ مَنْ أَبُوكَ يَا
غُلَامُ قَالَ الرَّاعِي قَالُوا نَبْنِي صَوْمَعَتَكَ مِنْ ذَهَبٍ قَالَ لَا إِلَّا
مِنْ طِينٍ
நபி (ஸல்) அவர்கள் கூறினார்கள் : மூன்று பேர்களைத்
தவிர வேறெவரும் தொட்டிலில் (குழந்தையாக இருக்கும் போது) பேசியதில்லை. (ஒருவர்) ஈசா
(அலை) அவர்கள். (மற்றொருவர்) பனூ இஸ்ராயீல்களால் "ஜுரைஜ்' என்றழைக்கப்பட்டு வந்த (இறைநேசரான) மனிதர் ஒருவர்.
(ஒரு முறை) அவர் தொழுது கொண்டிருந்தார். அப்போது அவருடைய தாயார் வந்து அவரை அழைத்தார்.
ஜுரைஜ் (தம் மனத்திற்குள்) "அவருக்கு நான் பதிலளிப்பதா? தொழுவதா?' என்று கூறிக் கொண்டார். (பதிலளிக்கவில்லை.) அதனால்
கோபமடைந்த அவரின் தாய், "இறைவா! இவனை விபசாரிகளின்
முகங்களில் விழிக்கச் செய்யாமல் மரணிக்கச்செய்யாதே!''
என்று கூறி விட்டார்.
(ஒரு
முறை) ஜுரைஜ் தமது ஆசிரமத்தில் இருந்தபோது அவரிடம் ஒரு பெண் வந்து (தன்னுடன் தகாத உறவு
கொள்ளும்படி அழைத்துப்) பேசினாள். அதற்கு அவர் மறுத்து விட்டார். ஆகவே, (அவள் அவரைப் பழிவாங்குவதற்காக) ஓர் ஆட்டு இடையனிடம்
சென்று அவனைத் தன் வசப்படுத்தி (அவனுடன் விபசாரம் புரிந்து) ஒரு குழந்தையைப் பெற்றெடுத்தாள்.
பிறகு "இது ஜுரைஜுக்குப் பிறந்தது' என்று (மக்களிடம்) சொன்னாள்.
உடனே மக்கள் ஜுரைஜிடம் சென்று அவரது ஆசிரமத்தை இடித்து
அவரைக் கீழே இறங்கி வரச் செய்து அவரை ஏசினார்கள். உடனே, ஜுரைஜ் அவர்கள் உளூ செய்து தொழுதுவிட்டு,
பின்னர் அந்தக் குழந்தையிடம்
சென்று, "குழந்தையே! உன் தந்தை
யார்?'' என்று கேட்டார். அக்குழந்தை,
"(இன்ன) இடையன்'' என்று பேசியது. அதைக் கண்டு (உண்மையை) உணர்ந்து
கொண்ட அந்த மக்கள், "தங்கள் ஆசிரமத்தை
நாங்கள் தங்கத்தால் கட்டித் தருகிறோம்'' என்று கூறினார்கள். அதற்கு அவர், "இல்லை, களிமண்ணால் கட்டித் தந்தாலே தவிர நான் ஒப்புக் கொள்ள மாட்டேன்'' என்று கூறிவிட்டார். அறிவிப்பவர் : அபூஹுரைரா (ரலி)
நூல் : புகாரி (3436)
கோபத்தில் குழந்தைக்கு எதிராக தாய் கேட்கின்ற பிரார்த்தனையை
அல்லாஹ் உடனே அங்கீகரித்துவிடுகின்றான். மேற்கண்ட செய்தியில் ஜுரைஜ் என்வரின் தாய் "இறைவா! இவனை விபசாரிகளின்
முகங்களில் விழிக்கச் செய்யாமல் மரணிக்கச்செய்யாதே!''
என்று கோபத்தில் பிரார்த்தித்துவிடுகிறார்.
இதை அல்லாஹ்வும் ஏற்றுக்கொண்டு விடுகிறான்.
எனவே இஸ்லாம் கூறும் அடிப்படையில் குழந்தைகள் வளர்க்கப்படும்போது
இவ்வுலகிலும். மறு உலகிலும் பெற்றோர்களுக்கு மகிழ்ச்சியாக ஆகும்.
இல்லையென்றால் இரு உலகிலும் வேதனையாக மாறிவிடும் அல்லாஹ் அது போன்ற சூழ்நிலையை
விட்டும் நம் எல்லோரையும் பாதுகாப்பானாக. ஆமீன்.
